Champions League-mi unammisussat

Ferbuaarimi unammisussat. (ass./foto: UEFA.COM)

 

Decembari qiteqquttoq Europami arsartartut ingerlalluarnerit 16-it akornanni kikkut naapissanersut makitsissutigaat.

Nunarsuarmi soqutigineqarluarluni malinnaaffigineqarnersaat ilagivaat, tassa isikkamik arsaallutik Europami klubbit angusarissaarnerpaasimasut imminnut unammisaqattaarneranni pissartanngorniunneq Champions League makitsissutigineqarmat.
Pissanngatigineqartartorlu tassaavoq kikkut naapissanersut.

Ukiut pingasut tulleriit pissartaasimasut Spaniameersut Real Madrid naapissavaat Ajax Amsterdam. Siorna normu 2-jusut Liverpool FC naapissavaat Eurpami ingerlalluarnersaat ilaat FC Bayern München.
Unammineq siulleq februaarip 13-iani ingerlanneqassaaq.
Ingerlalluarnerpaat finaalimi juunip 1-anni Spaniami, Madrid-imi arsaattarfissuarmi Wanda Metropolitano-mi naapissapput.

 

champions League 950px 02

Siorna Champions League-mi pissartanngortut Real Madrid. Finalimi Liverpool 3-1-imik ajugaaffigivaat. (ass./foto: AP/UEFA)