Nappaatinut aarleqquteqaruit misissortikkiartorit

Usuup puua akeqanngilaq Peqqinnissaqarfiullu misissuisarfianut nakorsiartarfimmullu aallertoqarsinnaavoq. (ass./foto: pexels)

 

Piffissaq kingulleq tusagassiutitigut assut eqqartorneqarpoq Sisimiuni atoqatigiinnikkut pilersartoq nappaat HIV assut tunillaassuuttoq.
Taanna nappaat kisimiinngitsoq Peqqinnissaqarfimmiit eqqaamaqquneqarpoq, nappaatimmi soorlu Syfilis, Gonoré kiisalu Chlamydia suli atuummata. Taakkumi arlaannik tunillatsissimaguit aarlerissutissaqarputit, tassa illersuuteqarnak atoqateqarsimaguit HIV-imik tunillatsissimasinnaagavit.
HIV-mut tunillatsissimanissamut aarleriguit qulakkeeriinnarniaruilluunniit misissuisarfimmut aaversikkiartorlutit ornigussinnaavutit.
Kinguaassiutinut nappaatinut arlaannut aamma aarleqquteqaruit qulakkeerinnikkusukkuilluunniit quut misissortikkiartorsinnaavat.

Usuup puua isumannaannerpaaq

Kinguaassiutitigut nappaatit pinaveersaartinneqarsinnaapput ajornanngitsumik akeqangitsumillu. Tassa usuup puuinik akeqanngitsumik Peqqinnissaqarfiup misissuisarfiani nakorsiartarfimmiluunniit akeqanngitsumik aallertoqarsinnaammat.
- Piaartumimmi nakorsarneqanngikkaanni kingunipilugisinnaasaasa ilagaat naartutitsisinnaajunnaarneq/naartusinnaajunnaarneq kiisalu qaratsakkut annertuumik innarlerneqarneq, Peqqinnissaqarfiup immikkoortuani Nakorsaaneq Helle Olsenip nalunaarutaani taama ilaatigut allappoq.