HIV-eertut amerliartorput

(ass./foto: pexels)

Sisimiuni HIV-eertut amerliartortut Peqqissaaviup qaammammut nalunaarusiaani allaqqasoq takuneqarsinnaavoq.
Oktobarip qaammataani veneriamut kinguaassiutitigut nappaateqarsoralutik nakorsiartut nalunaarsorneqarneranni paasinarsivoq HIV-eertut sisamat nutaat nassaarineqarsimasut.

Qaammatip siuliani septembarimi HIV-eertoq ataaseq paasineqareersorlu Sivdlek’ Nakorsaaneqarfik attaveqarfigaa paasiniaaffigalugu tamanna qanoq iliuuseqarfiginiarneqarnersoq.

Kinguaassiutitigut nappaatinut paasissutissat Kalaallit Nunaat tamakkerlugu misissugarigaat nakorsaanerup Henrik L. Hansenip paasissutissiissutigaa.
Henrik L. Hansen neriorsuisimagaluarpoq sapaatip akunnerata siuliani tusagassiorfinnut paasissutissanik nassiussiumaarluni. Sulili nassiussisoqanngilaq.

 

hiv 950px 02

(ass./foto: Sisimiuni Peqqissaavik)