Multibanemi arsaqattaartitsineq

Meeqqat arsaqattaartut tamarmik, Sarfaq aamma SAK. (ass./foto: Jens Karlsen)

 

Aasaanerani multibanemi arsaqattaartitsineq weekendimi ingerlanneqaqqammerpoq. Ivigaaraasanik arsaattarfissap piareernissaanut utaqqiisaa silagissuugaa ivigaaraasanik arsaattarfeeqqami meeqqat arnallu arsaqattaartinneqarnerani Sisimiormiut Sarfannguarmiullu unammisaqattaarput.

Unammisaqattaarneq nuannarineqarluni isiginnaariartoqarluarpoq. Unammisaqattaarnermi normu 1-inngortut, 2-nngortut 3-nngortullu pokalimik akissarsitinneqarput.

Sarfannguarmiut Sarfaq SAK-p meerartaanniit arsanik sisamanik meeqqanut inersimasunullu tunissuteqarfigaat, kiisalu atuagaq meeqqanit arsaqataasunit atsiornertalik ”SAK ukiuni 50-ini” tunniunneqarluni.
Meeqqani peqataapput Sarfaq-miit holdit marluk, SAK-miillu holdit pingasut. Arnani peqataapput Sarfaq, SAK aamma S-68.
Unammiuaarnermi aaqqissuisuupput Sarfaq, SAK meerartai suleqatigalugit.