Snowball Sisimiut angusarissaarpoq

Norgemi Hafjell-imi Danmarksmesterskabertoqarnerani Snowball Sisimiut angusarissaarpoq. (ass./foto: Emil Brandt)

 

Snowball Sisimiut Nunatsinni pissartanngorniunnermi aamma Norgemi Danmarksmesterskabertoqarnerani angusarissaarluni ujamminik arlalinnik angerlaassivoq.
Siullermik poorskimi Nuummi meeqqat, inuusuttuaqqat inersimasullu pissartanngorniunneranni angusarissaarlutik ujammit katillugit 31-t pissarsiarineqarsimapput.

Kingorna Norgemi meeqqat inuusuttuaqqallu Danmarksmesterskabimut peqataaneranni guldit pingasut bronzellu marluk pissarsiaraat.
Julius Lennert Snowball Sisimiuni siulersuisuni siulittaasup oqaluttuaraa unammisaqattaarnerup nalaani Norgemi unammisartunik OL-ertartunillu nalilersueqataasartut Snowball Sisimiuni unammisartuusut assut pikkorinnerartissimasut. Siulittaasup qujamasuutigaa angalanissaminnut suliffeqarfiit tapersersuisimasut.

Nivi Sachse nunanut allanut unammisartutut toqqarneqarpoq.

 

Snowball 950px 02

Nivi Sachse pissartanngorluni guldinnappoq nunanullu allanut unammisartunngorluni. (ass./foto: Tina Sachse/facebook)

 

Snowball 950px 03

Kunuunnguaq O. Davidsen unammissutini Slopestylemi guldinnalluni pissartanngorpoq, Big Air-imilu bronzennappoq. (ass./foto: Emil Brandt)