SSP-alpin Norgermi medajleannappoq

Alpin-ermiut ataatsimut assiliseqatigiissut. (ass./foto: SSP Alpin Sisimiut)

 

SSP-alpin aamma NS-84 Norgemi DM-ertoqarnerani medaljeanik angerlaassipput.

Sisimiormiut 13-it qulingiluanik ukiulik nukarlersaralugu misilittagartuullu peqatigalugit pissartanngorniunnermut peqataapput.
Maluginiagassaavoq Sisimiormioq Krister Støvlbæk Super G-mi, sangusaapiloornermi aamma parallel-slalomimi angutini veteranini kuultinnammat.
Juniorini 21-it ataallugit ukiulinni Mette Bourup aamma Hansa Simonsen unammeriaatsini assigiinngitsuni aappaa sølvinnammat aappaalu bronzennalluni.
18-it ataallugit ukiulinni Maja Olsen sangusaarnermi sølvinnappoq.
- Meeqqat DM-imi ujaminnanngitsoorput, kisianni peqataaneq misigisaqarfittut tiguarput.
Peqataaneq meeqqanut uisitsivoq, danskit pissartanngorniunneranni pitsaassutsip qaffasissusaa tupaallaatigisorujussuuaat, Ivalo Lennert SSP Alpin-imi siulittaasoq oqarpoq.

 

Angalaneq akisooq


Angalaneq akisummat aappaagu DM-mut peqataaqqinnissamut peqataasussat ikinnerujumaartut SSP alpin-ermiut oqaatigaat. Taamaattorli ukiuni pingasuni peqataatitaqartarnissaq qulakkeerneqarpoq kilisaatilik Ice Trawl aningaasaliissuteqarnissaanik isumaqatigiissut qulakkeerneqareersorlu.

Krister Støvlbæk Super G-mi, sangusaapiloornermi aamma parallel-slalomimi angutini veteranini kuultinnappoq. (ass./foto: SSP Alpin Sisimiut)

 

Mette Bourup SSP Alpinimiit. (ass./foto: SSP Alpin Sisimiut)

Maja Olsen SSP Aplinimiit. (ass./foto: SSP Alpin Sisimiut)