Naalakkersuisut allanngorput(-qipput)

(ass./foto: Johannes Ujo Müller)

 

Naalakkersuisut kingumut allanngoqqipput. Tamannalu pivoq Doris J. Jensen-ip benzinkortia atornerlunneqarnerata kingorna.
Doris Jakobsen Jensen Peqqissutsimut, Isumaginninnermut Inatsisinillu Atuutsitsinermut Naalakkersuisuugaluarpoq, maannali nammineq Naalakkersuisutut tunuarluni.
Benzinkortia atornerlunneqarnerata qulaajarneqarneranut atatillugu tatisimanninneq annertooq saperamiuk, naalakkersuisutut tunuarnini nalunaarutigaa.
Inuit Ataqatigiit tatiginninnginnermik taasititsinissamik qinersititsisoqarnissaa nalunaarutigineqarnat Partii Naleqqamit Demokraatiniillu tapersersorneqarpoq.
Tatiginninnginnermik taasititsisoqassanngilaq Doris J. Jensenip Naalakkersuisunut ilaasortaajunnaarnera pissutaalluni.
Inatsisartunili ilaasortaaginnarnissani nalunaarutigalugu.
Doris-ip atorfimmi atatillugu suliaqarluni angalanerani benzinkortia angerlarsimaffimminni inisimasuusup atornerlussimavaa. Ersarissarpaa uia benzinkortimik atornerluisimanngitsoq.

 

Erik Jensen-ip naalakkersuisoqarfik tigugallarpaa

Doris J. Jensenip suliassaqarfigisimasai Peqqissutsimut, Isumaginninnermut Inatsisinillu Atuutsitsinermut tunngasut, Aatsitassanut Suliffeqarnermullu Naalakkersuisup Erik Jensenip tigummigallartussanngorpai.
Kim Kielsen-ip suli ilisimatitsissutiginngilaa qaqugu kimillu Naalakkersuisoqarfik tiguneqassanersoq.

 

naalakkersuisut allanngoqqipput 950px 02

Oktobarip pingajuani Doris J. Jensenip takorloorsimagunanngilaa ullut 14-it qaangiuppata tunuarnissani. (ass./foto: facebook)