Sisimiormiut aalisallammaat

Sisimiuni aalisarluarnerpaatut nersornaaserneqartut 2018. (ass./foto: Nuka Olsen)

 

Pingasunngormat novembarip 21-ani Sisimiuni Aalisartut Piniartullu ulluanni Sisimiormiut SAPP-mi ilaasortat ukioq 2018-imi aalisarluarnerpaat nersornaaserneqarput.
Nersornaasiineq ukiut tamaasa ullorlu tassani aaqqissuunneqartartoq persuarsiorpalaartumik nalliussineqarluni Katersortarfimmi nalliussivaat.
Aalisartut ilaquttatik peqatigalugit nereqatigiipput, unnullu ingerlanerani nersornaasiinerit
Sinerissami amerlanerpaartaat 15. november Aalisartunut Piniartunullu ulloritinneqartarpoq. Sisimiormiut qangarsuarli novembarip 21-at aalisartut ullorsiortarnerat ingerlanneqartarmat tamanna suli ulloq manna tikillugu attanneqarpoq.

Ukioq 2018-imi saarullinnik pisaqarnerpaat:

  1. Erneriit ApS – m/k Ernguta
  2. Andreas Dalager – m/k Inupia
  3. Uvdloriaq Olsen – m/k Majoriaq

Ukioq 2018-imi assagiarsunnik pisaqarnerpaat:

  1. Knud Lennert – m/tr Nanna L
  2. Knud Lennert – m/k Juulna
  3. Uvdloriaq Olsen – m/k Majoriaq

Ukioq 2018-imi nipisannik pisaqarnerpaat:

  1. Julius Jerimiassen
  2. Lars Berthelsen
  3. Otto Kleist