Qilalugarniat akiligassitsittut

(ass./foto: Johannes Ujo Müller)

 

Januaari naalersoq Sisimiut talittarfiata eqqaani aalisartut piniartullu qilalugarniarnerat akiligassitsinnermik kinguneqarpoq.

Inuit qulingiluat qilalugarniaqataasimasut tamarmik immikkut 3.000 koruuninik akiligassitsittut Politeeqarfimmiit nalunaarutigineqarpoq. Politiit Qeqqata Kommuniatalu malittarisassai unioqqutinneqarmata akiliisitsinermik kinguneqarpoq, qilalugarniarnermimi inunnik navianartorsiortitsisimapput ilaatigut illu eqqarnermi eqqorneqarsimalluni

Malittarisassani ilaatigut allaqqavoq najugaqarfiit 500 miiterit iluanni qanitaaniitilluni aallaasinik atuineq inerteqqutaasoq.

Akiligassinneqartut tamarmik akiligassinneqarnertik akuerisimagaat politeeqarfimmiit ilisimatitsissutigineqarpoq.

Najugaqarfiit 500 miiterit iluanni qanitaaniitilluni aallaasinik atuineq inerteqqutaavoq. (ass./foto: Johannes Ujo Müller)