Sisimiuni ikuallaavik annertusarniarneqalerpoq

 Sinerissamiit eqqakkat Sisimiunut Nuummullu assartorneqartalissapput. / I fremtiden skal affald fra kysten transporteres til Sisimiut og Nuuk. (ass./foto: Johannes Ujo Müller)

 

Naalakkersuisut borgmesterillu tamarmik isumaqatigiipput kommunit ataatsimoorlutik eqqagassalerinermut selskabimik pilersitsiniarlutik. Selskabiup siunertarivaa eqqakkanik ikuallaaviit marluk, uuliakunillu ikuallaaviit pingasut nuna tamakkerlugu sullissisussanngorlugit pilersinneqartussat ingerlatilernissai. Sisimiuni Nuummilu ikuallaaviit pingaarnerit pilersinneqassapput.

 

Eqqakkat amerleriarsimasut

Ikuallaaviit ikuallassinnaasaat 30 procentit sinnerlugit ullumikkut eqqagassanik pilersitsisoqartarpoq. Ingammik nunaqarfinni illoqarfinnilu mikinerusuni eqqagassat suneqanngitsut peqqinnissamullu ajoqutaasut amerliartuinnalersimallutik. Taassumap peqqutaanik aamma ikuallaaviit pioreersut pujoq naammattumik salissinnaasimanagu.

 

Ikuallaaviit marluk qitiusussat

Peqqinnissaq avatangiisullu eqqarsaatigalugit sumiiffinni ikuallaaviit mikinerit atorunnaaarlugit marlunnik angisuunik Nuummi Sisimiunilu naammattunik toqqorsivilinnik ikuallaaviliortoqarnialertoq Naalakkersuisut borgmesterillu uppernarsarlugu septembarip 25-ani ataatsimiinnerminni aaliangiunneqarpoq.
Nuna tamakkerlugu eqqakkat ikuallaavissanut assartorneqartarlissapput.

- Nuannaarutigilluinnarpara eqqakkat uuliallu igitassat avatangiisinut mingutsitsinannginnerusumik kiisalu kiassarnikkut iluaqutigineqarsinnaasumik ikuallanneqartalernissaat anguniarlugu nuna tamakkerlugu aaqqiissuteqartoqartussannngormat. Eqqagassat eqqortumik poortorneqarlutillu assartorneqartalerpata assersuutigalugu plastikkit pinngortitamut immamullu teqqarsinnaanerat annikinnerulissaaq. Eqqakkanillu ikuallaavinni anginerusuni eqqakkat pissusissamisoornerusumik isumagineqarsinnaalissapput, pujorlu salilluagaanerulersinneqarsinnaalluni. Aaqqiissutissat nutaat nuna tamakkeerlugu atuuttussat avatangiisinut, peqqissutsimut mingutsitsinannginnerusumilllu nukissiuteqarnermut iluaqutaassapput, Naalakkersuisut siulittaasuat Kim Kielsen oqarpoq.

 

Pitsannguutit

Ikuallaaviit ima angitigissapput avatangiisinut peqqinnissamullu iluaqutaasumik pujumik saliisinnaassallutik. Taamaaliornikkut nuna tamakkerlugu eqqagassat illersorneqarsinnaasumik isumagineqarsinnaalissapput. Aamma isumaqatigiissutigineqarpoq mingutsitsinngitsumik nukissiornermut eqqagassat atorneqassasut.

Uuliakunik ikuallaaviit Qaqortumi, Maniitsumi Aasiannilu sananeqarnissaat naatsorsuutigineqarpoq. Naalakkersuisut suliniummut tapersiillutik 6 mio. koruuninik aningaasaliissapput.
Eqqagassalerineq kommunenit ullumi akisussaaffigineqarpoq – katersornerannit ikuallannerannut.

 

Ikuallaavik 950px 02

Ikuallaaviit pingaarnerit marluk Nuummi Sisimiunilu inissisimanissaat Naalakkersuisunit borgmesteriniillu aaliangiunneqarpoq. / Naalakkersuisut og borgmestre har besluttet, at de to store forbrændingsanlæg skal placeres i Nuuk og Sisimiut. (ass./foto: Johannes Ujo Müller)

 

Ikuallaavik 950px 03

ass./foto: Johannes Ujo Müller)

 

Ikuallaavik 950px 04

Eqqakkanik teqqaasoqaqqunagu qassutaasanik ungaluliorlutik siaarsitsisimapput. / Der er opsat net for at forhindre, at affald blæser væk. (ass./foto: Johannes Ujo Müller)