Tele-Post-ip sukkatsisaanerani SIM-kortit 7.000-it taarsertariaqarlersimapput

Tele-Post-ip antenneqarfiit 119-iusuni 69-it nutarsarsimavaa, taamaasilluni 2G-miit 4G-mut atassuteqalersillugit. (ass./foto: Johannes Ujo Müller)

 

Tele-Post-ip mobiilinut antenneqarfiisa affai nutarsarneqarnerini 4G sukkatsiallappoq. Ilaalli suli malugisimassanngilaat, imaassinnaammammi mobiilippit SIM-kortia nutaanngippallaalersimasoq.

Nutarsaanermi 2G edgemmiit 4G-mut nutarsarneqarnerini antenneqarfiit 119-ini 69-it nutarterneqarput, atuisullu mobiiliminnik sukkanerusumik internetimut atassuteqarsinnaalerput.

Atuisut ilai maluginiarsimavaat oqaluussami nipaa ersarinnerulersimasoq.
Illit mobiilit arlaatigut pitsannguuteqariarsimanngitsoq maligisimagukku illoqarfigisanni nunaqarfigisanniluunniit Tele-Post-eqarfimmut imaluunniit Pilersuisoqarfimmut saaffiginnissinnaavutit, nutaamillu SIM-kortit taarsertillugu.