Ilinniakkaminnik unitsitsiinnartartut akiorniarneqalersut

Ilinniarnertuunngortut nasartaareernerisa kingorna ukiut marluk qaangiutsinnagit amerlanerpaartaat ilinniakkamik ingerlaqqittarnissaat anguniagaavoq. (ass./foto: Johannes Ujo Müller)

 

Siorna ilinniarnertuunngortut nasartaarmata aallartinnerminniit affai nasartaanngitsoorsimapput. Taassumallu peqqutigaa amerlavallaat ilinniakkaminnik taamaatiinnartarnerat.
Tamanna iliuuseqarfiginiarlugu maanna anguniagaavoq ukioq 2024-mi ilinniarnertuunngorniartut 75 procentiisa naammassisalernissaat. Pimoorunneqarpoq ukiunut kingullernut tallimanut sanilliussagaanni 50 procentimik qaffariaateqassammat.

 

Unitsitsisarneq unitsilli

Ilinniartitaanermut Naalakkersuisoqarfiup saqqummiuppaa ”Pilersaarut II – 2018”, imaralugulu Nunatsinni ilinniarfinnut tamanut nukittorsaataasussamik anguniakkanik suliniutinillu arlalinnik imalik. Oqariartuutit ilagaat ingerlanerlunneq unitsinneqassasoq. 2012-imi ilinniarnertuut ukiut marluk qaanngiunneranni 69 procentiii ilinniakkaminnik ingerlatitseqqissimammata. Taassumalli kingorna ikiliartuinnarput, 2017-imilu 46 procentii kisimik ilinniakkamik nutaamik aallartitsisimallutik. Naalakkersuisoqarfiup sukataarunniarpaa ilinniarnertuut ukiut marluk qaangiutsinnagit 75 procentii ilinniakkamik aallartitsisalernissaat.
Nalunaarusiami quppernertuumi allassimavoq ataatsimut suliassaqarfiit suliniuteqarfiusussaasut 15-it suussusilersorneqarsimasut, taakkuli immikkut 2022-p tungaanut suliniuteqarfigineqassasut.

 

unitsitsiinnartartut 950px 02

Ukiuni makkunani ilinniarnertuunngorniarlutik aallartikkaangamik affai nasartaartarput sinnerilu ilinniakkaminnik unitsitsiinnartalersimapput. (ass./foto: Johannes Ujo Müller)