Ullut 13-it sulinngiffiusussat

Sulisartunut nuannaarutissatut qilanaarutissatullu oqaatigineqarsinnaagunarpoq nalliuttuni sulinngiffiusussat 2018-imi ullut 13-iusussaammata.

Soorlu ukiortaaq januaarip aallaqqaataat ataasinngornerusoq aallarniutigisimagipput.

Poorskisiorluarnissaq qilanaarineqarsinnaavoq, sisamanngornermi illernartoq aallarniutaariarluni aqaguani tallimanngorneq tannaartoq periarpat sapaammi poorskeriarluni ataasinngornermi poorskip aappaa nalliussineqassaaq. Ukioq mannami poorski aallartissaat marsip 29-aniit apriilip aappaat ilanngullugu. 

Ullut tallimat tulleriit

Sulisartut ulluat maajip aallaqqaataat marlunngornerusussaammat sulisartut tamarmiunngikkaluartut sulinngiffeqartussaassapput. Immaqalu apriilip 30-ani sulinngiffeqassaguit ullut tallimat tulleriit sulinngiffeqarsinnaavutit, tussiarfissuarmi apriilip 27-aniusussaavoq.

Qilaliarfik sisamanngornerujuaannartoq maajip 10-at sulinngiffiusussaavoq.

Inuiattut ullorsiornissarput juunip 21-at sisamanngornerussaaq.

Pinsi sapaammiit aallartikkuni ataasinngorneq pinsip aappaajussaaq.

Juullisiorluarnissaq qilanaarineqarsinnaalerpoq. Ullut tallimat tulleriit sulinngiffiussapput, juulliararmi ataasinngornerussaaq, pingasunngornerullu tungaanut juulli nalliussineqassalluni.

Ukiutoqaq decembarip 31-at ataasinngornerussaaq.

Sapaatit akunneri naaneri (weekend) saniatigut ullut 13-it ukioq manna atorluarneqarniannguatsiarput.