Halloween – Aasaq qujanaq, ukioq tikilluarit

Halloween Nunatsinni immaqa nuannariinnarlugu atugaaleraluttuinnalersoq meeqqat akornanni maluginiarneqarsinnaavoq. (ass./foto: Johannes Ujo Müller)

 

Ullumikkut ulloq oktobarip 31-at tassaavoq amerikkarmiut nalliussisagaat Halloween.
Nunatta avataani annerusumik atugaasoq Halloween Nunatsinni aamma atugaanera annertusiartortoq maluginiarneqarsinnaavoq, pingaartumik meeqqat akornanni.
Kalaallinut immaqa suli eqqumiigineqarsinnaavoq Halloween-isiortarnerup annertusiartornera. Halloweenimi USA-mi allartissimasoq annerusumik ersarissumillu atugaalluarpoq, kalaallillu amerlasuut immaqa isiginnaagassiatigut annerusumik ilisimaneruaat. Tassa ersinartumik atisalersorlutik kiinarpalersorlutillu nalliussisoqartarmat, kalaallisoorluaannarlugu mitaartoqartarmat.

Ukiortaami soorlu kunngit pingasuni Kalaallit mitaartarnerannut ilisarnartoqarsinnaagaluarluni una oktobarimi 31-ani ingerlanneqartarpoq.

Ukiut untritilikkuutaat matuma siorna mamartunik agguaasoqartasimavoq.
- Taamani nerisassanik, naatitanik, qaqqortarissanillu agguaasoqartarpoq, isumaqartarsimappullu toqunikut ulloq taannarpiaq uummaqqissinnaasut. Taamaattumik aamma taakkununnga nerisassanik ilisisoqartarsimavoq, taama atuakkiortoq Rune Blix Hagen nassuiaavoq.
Aasap ukiullu nikinnerat nalliussiniarlugu Halloween nalliuttorsiutigineqartarpoq. Ukioq tikilluaqquneqartarpoq, aasarlu inuulluaqquneqartarluni. Aasaq ukiuunerani qasuersaartarpoq, kingumullu naggorinnissaa kissaatigalugu qujaffigineqartarluni. Imaappoq, itsarsuaq qujaniarluni nalliuttorsiorneq.

 

Halloween

Iluartut ulluat, All Hallows Day, ullormik ataatsimik sioqqullugu ulluummat nalliuttorsiutigisarpaat. Siornatigut novemberimi sapaat siulleq nalliuttorsiutigineqartarpoq.
Ilaquttat ikinngutillu toqukkut qimagussimasut eqqaaniarlugit Iluartut ulluat nalliussineqartarpoq, nunallu iliveqarfiini naneruutinik, naasunik eqqarsaatinillu nalliussineqartarluni.
Oktobarip 31-anut allanngortitsineq, Halloween-ip upperisarsiornermi unammillertigaa.
Irlandimiut tuluillu 1800-kkut qiteqqusimalernerani USA-mut nunasisut, Halloween-imik aallartitsisuusimapput.
Toqumut ernioqqinnermullu atatillugu kuisimanngitsuunermut kuisimasuunermullu tunngatillugu ileqqumik kinguneqarpoq.
Siullermik USA-mi Mexico-mi Europa-milu nalliussineqartarpoq, nunarsuarmulli tamarmut siaruaakkiartuinnarluni.
- Halloween nunarsuarmut siaruariartuinnarlunilu kulturit assigiinngitsut nalliussisaleraluttuinnarpaat, taamak atuakkiortoq Rune Blix Hagen isumaqarpoq.

 

halloween 950px 02

USA-mi arnaqquassaartut allatullu mitaartoqartarpoq, mamakujuttut nerisassallu allat pinnersakkat/ersinarsakkat takussaasarlutik. (ass./foto: Johannes Ujo Müller)

 

halloween 950px 03

(ass./foto: Johannes Ujo Müller)

 

halloween 950px 04

(ass./foto: Johannes Ujo Müller)