Ukiumut nutaamut iserluarisi

(ass./foto: pexels)

 

Juulli qaangiutiinnaqaaq juullimulli pinnersaatit suli kunngit pingasut tungaanut takussaassapput. Maanna qummoroortaatit pisiniarfinni pisiassaalersut qilanaarineqarluartartut atugaalluartartullu pisiarineqallattaajutigalutik misilerarneqallattaapput. Kusanartaqaat, mianersuutissarujussuullutilli.
Nunatsinni ukiut tamaasa qummoroortaatinik ajoqusertartut nalaanneqartarput. Ajoquserneq ima annertutigisarpoq allaat inuup timaaniittut pingaarutillit soorlu isit, siutit, assaat allallu mianersugaalliornikkut annertuumik innarlerneqartarmata, inuunerullu sinnera iluarsineqarsinnaanatik innarluuteqalissutigineqartalertarlutik.

Isarussat illersuutit eqqaamakkit

Qummoroortalerussi imminut illersornissarsi eqqaamaniarisiuk, minnerpaamik isarussat illersuutaasut atornissai eqqaamallugit.
Atuartartugut, sullitagut tapersersuisugullu ukiumut qaangiutilersumut qutsavigerusuppagut, qanortoq ukiumut nutaamut peqqilluta iserluarisa.

Qummoroortalinnginnermi eqqaamasassat tallimat

Pingaaruteqarpoq qummoroortartunik ajoqusinnginnissaq anguniarlugu maleruagassat pingaarnerit malinneqartarnissaat:

  1. Isarussat illersuutit atortuaannakkit
  2. Qummoroortartut akuerisat kisimik atukkit, namminerlu sanaat imaluunniit unioqqutitsisumik qummuroortartut atunngisaannakkit.
  3. Qummoroortartoq ikinneqarnikoq assannik paarinngisaannaruk.
  4. Qummoroortartumik ikitsereernermi ungasillillutit qimagutipallagit, qummoroortartorlu qulanginngisaannaruk.
  5. Qummoroortartoq ikinngitsoortoq qanilleqqinngisaannaruk.