Umiartortut angerlarsimaffianni juulliararsiortitsinissaq

Umiartortut angerlarsimaffiat pisariaqartitsisunut juulliararsiortitsissaaq. / Sømandshjemmet arrangerer juleaftensdag for borgere med behov. (ass./foto: pexels)

 

Juulliaqqami juulliararsioqatissaaleqiguit akissatigulluunniit akunnattooqqaguit umiartortut angerlarsimaffianni juulliararsioriartorsinnaavutit.
Ileqqoq malillugu Umiartortut Angerlarsimaffiat juulliararsiortitsissaaq decembarip 24-ani sisamaniit unnukkut qulit tungaanut. Peqataarusuttut pingasunngorneq decembarip 19-anni kingusinnerpaamik nalunaareeqquneqarput.

- Sisamaniit nuannisaqatigiilluta æbleskivetorlutalu aallartissaagut. Meeqqat kajumissutsiminillu sulisut peqatigalugit orpik pinnersassavaat. Arfinernut nerinissarput sioqqullugu naalagiarusuttut oqaluffimmut naalagiarnissaminnut periarfissaqarput, oqarput Jytte aamma Preben Andersen.
Sassaalliutigineqassapput qeerlutooq, puuluki medisterilu siatat. Soorunami kingulerassatut ris á lá mande kirsebærsaucelerlugu.
Nereqatigiinnerup kingorna kalaallisut qallunaatullu tussiutit atorlugit orpiliaq kaavinneqassaaq, peqataasunullu tamanut poortukkanik agguaasoqassalluni.
Puujaasoqarnerani tamulugassanik tamussillattaajutigaluni kaffisorujoortoqassaaq.

- Ukiorpassuarni NunaFonden-imit tapersersorneqartarnikuuvugut, tamannalu qujamasuutigisaqaarput. Ukioq-mannali peqatigiiffiit tapersersussallugit toqqagaannit akuunngilagut. Imaanngilarli maani juullisiorusuttunut juullisiortitsissanngitsugut. Maanili illoqarfimmi suliffeqarfiit allallu aaqqissuussinitsinnut aningaasanik, poortukkanik allanilluunniit tapersersorusukkunitigut, uagutsinnut saaffiginnissinnaapput, Umiartortut angerlarsimaffianni ingerlatsisut oqarput.

 

umiartortut angerlarsimaffiat 950px 02

(ass./foto: pexels)