Illoqarfiup orpiata ikinnera

Sisimiormiorpassuit illoqarfiup orpiata ikinneqarnerani peqataapput. (ass./foto: Johannes Ujo Müller)

 

Sapaammi adventip sapaataasa siullianni illoqarfiup orpia ikinneqarmat inuppassuit nuannaaqisut peqataapput.
Ukiut tamaasa juullip inua kommunip allaffianiit ammut sisusarsimasoq ukioq maanna allatut periuseqarluni alutornartumik inunnut saqqummerpoq.

Siullermik sianaarpaluk tusaaneqarsinnaavoq juullillu inua nuannaarpaloqisoq tusarsaalerpoq. Inuit sumut tamaanga Juullip inua qinerlugu ujaasipput, nipaannaami højtalerikkut tusaaneqarsinnaavoq. Takuneqarsinnaalerporli Nalunnguarfiup tungaaniit qatserisartut biilii kusanartunik qullilersorneqarsimasumi kivittaataaniittoq Juullip inua.

Meeqqat alutorsarlutik alapernaaqisut juullip inua aalateralugu ilassiorpaat. Orpiup saavanut unikkamik qatserisartut biiliisa kivittaataa orpiup ulloriaa tikiivillugu juullip inua qangattaanneqarpoq. Juullip inuata meeqqat tamarmik piumaffigai ataatsikkut 10-miit ammut kisitseqatigiillutik orpik ikissagaat, taamaasioreeramillu juullip inuata angakkuaat paarisani orpilissap ulloriaanut attuutsippaa orpillu ikillugu. Ikereerlugulu qillalaartunik orpik nakkalataarfigaa.

Toqqissilluni inuuneq pingaaruteqarpoq

- Meerartatta juulleriartorneranni qilanaarlutillu ullunik kisitsisut eqqaasittarpaatigut nalliuttuni ilaqutariilluta toqqissilluta nuannaarlutalu inuuneqarnissatta qanoq pingaaruteqartigineranik. Soorunami meeraalluni poortugarsinissaq tamanit nuannernerpaasaraluartoq meeqqat sinnerlugit una taallannguaq ilissinnut tusartilaarusuppara: Ataataga anaanalu ilagisinnga, saninnut pillusi appitta tamatta, juullimut iseriartorta nuannaangaarluta, Qeqqata Kommuniani borgmesteri Malik Barthelsen oqaaseqarami ilaatigut taama oqarpoq.
Illoqarfiup orpia naliginnaasumiit sivisunerusumik napatinneqarnissaa borgmesterip kissaatigaa.
Juullip orpiliaa kaavinneqaatigaluni ”Juullimi orpiliaq” tussiarneqarpoq. Kaaveqatigeereeramik meeqqat tamarmik mamartutugassaannik agguaanneqarput.

 

illoqarfiup orpiata ikinnera 950px 01

 Seersartut juullimut aliannaarsaalluartarput. (ass./foto: Johannes Ujo Müller)

 

illoqarfiup orpiata ikinnera 950px 02

Juullip inuata orpik ikereerlugu qillalaartunik nakkalataarfigaa. (ass./foto: Johannes Ujo Müller)

 

illoqarfiup orpiata ikinnera 950px 03

Seersartut juullimut aliannaarsaalluartarput. (ass./foto: Johannes Ujo Müller)

 

illoqarfiup orpiata ikinnera 950px 04

Erinarsoqatigiit. (ass./foto: Johannes Ujo Müller)

 

illoqarfiup orpiata ikinnera 950px 05

Qeqqata Kommuniani borgmesteri Malik Berthelsen. (ass./foto: Johannes Ujo Müller)

 

illoqarfiup orpiata ikinnera 950px 06

Meeqqat tamarmik mamartutugassaminnik agguaaffigineqarput. (ass./foto: Johannes Ujo Müller)

 

illoqarfiup orpiata ikinnera 950px 07

Juullip inua alutorsaatigineqarpoq. (ass./foto: Johannes Ujo Müller)

 

illoqarfiup orpiata ikinnera 950px 08

Meeqqat nuannaarlutik qungujulaartut takussaapput. (ass./foto: Johannes Ujo Müller)

 

illoqarfiup orpiata ikinnera 950px 09

Juullip orpiliaa nuannarineqarluarpoq. (ass./foto: Johannes Ujo Müller)

 

illoqarfiup orpiata ikinnera 950px 10

Utaqqiisaa meeqqat sisuullattaartarput. (ass./foto: Johannes Ujo Müller)

 

illoqarfiup orpiata ikinnera 950px 11

Meeqqat juullillu inuata ikiortai. (ass./foto: Johannes Ujo Müller)