Sisimiuni Hip Hop

(ass./foto: Lars Nielsen-GUX)

All. Nuunu Møller Nielsen, Cecilie Hansen aamma Anne Mette Noahsen.

 

Sisimiuni GUX-imi ilinniartut, Nalunnguarfiup Atuarfianilu atuartut suleqatigiillutik, Rap, qarmami titartaasarneq breakdance-lu pillugit hiphop workshop-ertitsipput.

Sisimiuni GUX-ertut ukiut tamaasa ataasiarlutik arlaleriarlutilluunniit atuartut suleqatigiillutik sapaatip akunneranut sammisaqartarput, ukioq-mannalu Nalunnguarfiup Atuarfiani atuartut suleqatigalugit Hiphop sammivaat.
Qallunaaq tusaamasaalluni rap-ertartoq, manuskript-iliortartoq, siornatigullu Østkyst Hustlers-ikkunnut MC Einar-ikkunnullu ingerlatsisuusimasoq Nikolaj Peyk kiisalu rap-ertartoq tusaamasaq Kim Jakobsen, aamma Kimojax -itut ilisarisimaneqartoq aaqqissuussinermut peqataapput.

Aaqqissuussinermut pilersaarut

Taamaalilluni aaqqissuussinermut pilersaarut marlunngornermi novembarip 20-ani, GUX-imi ilinniartut Nalunnguarfiup Atuarfianilu 9. aamma 10. klassimi atuartut, Nalunnguarfiup Atuarfiata eqqaani minihaalimi naapinnerisigut, Nikolaj Peyk-illu USA-mi Danmark-imilu Hip Hop-ip qanoq aallartissimanera pillugu oqalugiarneratigut, malitsigisaanillu Kimojax-ip arlalinnguanik rap-erneratigut, Kalaallit Nunaannialu Hip Hop-ip qanoq pilersimanera pillugu oqaluttuarneratigut aallartippoq.
Sisamanngornermi novembarip 22-ani Sisimiuni GUX-imi rap pillugu workshop-ertitsisoqarpoq, tassanilu ilinniartut atuartullu novembarip 23-ani Taseralimmi takutitsinissami atorumaakkaminnik rap-imik nammineq sanatinneqarlutik. Tassanngaanniit ilinniartut atuartullu qarmami titartaasarnermik breakdance-milluunniit toqqaasillugit suleqatigiinnut marluusunut avinneqarput. Nikolaj Peyk-ip qarmami titartaasarnermi ilitsersuisuuvoq, Kimojax-ilu breakdance pillugu ilitsersuisuulluni.
Tallimanngornermi novembarip 23-ani ilinniartut atuartullu nal. 14:00-imiit 16:00-ip tungaanut tamanut ammasumik Taseralimmi takutitsinissartik sioqqullugu, takutitassatik inaarsarpaat.
Peqataasut Kimojax-illu breakdance-mik takutitsinerisigut tamanut ammatitsineq ammarneqarpoq, tassanngaanniillu piumasut tusarnaartut saallugit scene-mi erinarsorsinnaatinneqarlutik/rap-ersinnaatinneqarlutik.
Taassuma kingorna Kimojax arlalinnik rap-erpoq, rap-ilianilu nutaaq aamma atorlugu.

Qarmami titartaasartuniittut:

Qarmami titartaasartuni Peyk, qarmami titartaasarneq pillugu, qarmamilu titartaasarnerup siunertaa pillugu saqqummiivoq. Tassanngaanniit peqataasut torragisaminnik imminnut taaguuseqquneqarput, qarmamullu titartaasarnertut pappiaqqamut kikkunnit tamanit takuneqarsinnaasunngorlugu sapinngisamik angisuujutillugu titartaasinneqarlutik.

- Takorluukkat kisimik killiliisarput, qarmamut titartaasartuni ilitsersuisoq Nicolaj Peyk oqarpoq.

Breakdance-rtunit:

Breakdance-rtuniittut breakdance-rnermik Kim Jacobsen-ip ilitsersuuppai, peqataasullu Kim Jakobsen-imit ilikkarsimasaminnik isiginnaartunut takutitsillutik.

Taseralimmi tamanut ammatitsineq qarmamut titartaasarnertut peqataasut titartagaannik, breakdance-rnermik, rap-ernermillu takutitsinerinik naggaserneqarpoq.

 

hip hop 950px 02

(ass./foto: Lars Nielsen-GUX)

 

hip hop 950px 03

(ass./foto: Lars Nielsen-GUX)

 

hip hop 950px 04

(ass./foto: Lars Nielsen-GUX)