Ataatsimuualaartitsineq ornigarneqarluartoq

Brugseni katersortarfimmi tamanut ataatsimuualaartitsinerani naatsorsuutigisamiit inoqanaarpaat. (ass./foto: Johannes Ujo Müller)

 

Arfinngormat novembarip 17-ani Sisimiut Katersortarfiani Brugseni Ilaqutariinnut kiffartuussivillu suleqatigiillutik tamanut ammasumik ilaqutariinnut ataatsimuualaartitsipput.
Ataatsiuumalaartitsinermi aliikkutassaqartitsisoqarpoq nerisitsisoqarlunilu, naatsorsuutigisamiillu inoqarluarnera aaqqissuisuniit oqaatigineqarpoq.
- Takorluukkatsinniit inut amerlanerujussuit takkupput. Malunnarpoq maqaasisarsimagaat, naak Taseralik piugaluartoq, aammami taajinnga allatut sammisassaqartitsisarmat. Taava una periusitoqaq atorneqartarsimasoq peqatigiinneq qanilaarneq assut nuannarerpaseqaat. Tupaallappugut takkuttut taama amerlatigimmata, oqarpoq Sisimiuni Brugsenimi siulittaasoq Birthe Kleist Petrussen.

Brugseni CSR-imut ilaammat pisussaaffittut taallugu innuttaasunik sammisassaqartitsillutik akisussaaqataallutillu ukiumut minnerpaamik ataasiarlutik aaqqissuussisarput.
Uanilu aaqqissuussaq ukiariartornerani inuit susassaaleqilaarnissaat eqqarsaatigalugu aaqqissuussimavaat.
Sisimiuni kalattoortartut takutitsipput, utoqqaallu erinarsortartut tusarnaartitsillutik. Taakkua saniatigut meeqqat ballondansimik aamma stoledansimik unammisinneqarput naggataatigullu eqqugassanik makittaarisoqarluni.
Tulliani februaarimi pisarnermisut Brugseni ilaasortaminut nuannatsitsissaaq.

Brugseni 950px 02

Sisimiuni Kalattoortartut takutitsilluarput. (ass./foto: Johannes Ujo Müller)

 

Brugseni 950px 03

Tamulugassat assigiinngitsut sassaalliutigineqarput. (ass./foto: Johannes Ujo Müller)

 

Brugseni 950px 04

Pinnguaatit assigiinngitsut aliikkutarineqarputtaaq. (ass./foto: Johannes Ujo Müller)

 

Brugseni 950px 05

Sisimiuni Brugsenimi siulittaasoq Birthe Kleist Petrussen. (ass./foto: Johannes Ujo Müller)

 

Brugseni 950px 06

(ass./foto: Johannes Ujo Müller)