Aqqartartuusorineqartoq

(ass./foto: Pexels)

Sisimiut avataani innuttaasut ilai aqqartartumik takunasorisimapput, sunaaffa prammersuaq.
Sapaatip akunnerata siuliani imaatigut ingerlaartumik takunnittoqarsimammat politiit Issittumi Sakkutooqarfiullu misissuisimapput uppernarsarlugulu ilumut aqqartartuunngitsoq.

Angallat takusuumik kalittaaserluni prammersuaq kalissimavaa, Issittumi Sakkutooqarfiup umiarsuaa alapernaarsuut Ejnar Mikkelsen alapernaakkiartorsimavoq.
Takunnittup assilisaa misissorneqarsimavoq Illersornissaqarfiullu paasiniaasartuinut misissugassanngorlugu nassiunneqarsimalluni.