Polar Fish kingumut soqutigineqarluarpoq

(ass./foto: Johannes Ujo Müller)

 

Aalisarnermut inuussutissarsiornermullu tunngasunik Sisimiut timersortarfiani saqqummersitsineq aatsaat taama alakkarneqartigaaq.
Saqqummersitsineq tallimanngormat aallartittoq katillugit 1814-init inussiffiusimavoq, saqqummersitsillutillu peqataasut suliffeqarfiit assigiinngitsut, pisortat kattuffiillu saqqummersitsipput.
Timersortarfik iserfigalugu naliginnaasumik inerujussuusoq iigarpassuarnik ikkussuillutik suliffeqarfiit immikkut tamarmik ineeqqatut isikkoqartunut saqqummersitsivittut atorneqarput. Aalisarnermut tunngasorpassuupput atortuaqqaniit assartuutinut angisuunut tunngasunik isertunut tuniniarneqarput, taamatuttaaq aningaasaqarnermut, utoqqalinersiutinut ileqqaarutit, umiatsiartaarniarnermut tapertissinnaanerit allarpassuillu siammaseqalutik saqqummersitsinermi alakkarterneqarput. Timersortarfiup silataani umiatsiat qamuteralaallu tuniniarneqarput.
Aalisarnermut inuussutissarsiornermullu tunngasunik saqqummersitsinermi aaqqissuisuupput Aalborg Kongres & Kultur Center (AKKC).

 

Tullissaanut qilanaalereerput

Saqqummersitsisut amerlanerit ulluni pingasuni ulapaarfioqisuni saqqummersitsinertik iluarisimaaralugu sapaatiummat poortuipput.
- Oqartariaqarpugut Sisimiuni saqqummersitsilluareerluta, naammagisimaarinnittunillu saqqummersitsisoqareerluta angerlalerluta. Allaallumi Polar Fish 2020-mi amerlanerusunik inissaqartitsisinnaanersugut apersuisoqarpoq, taamaattumik oqartariaqarpugut saqqummersitsineq iluatsilluarmat. Massakkut ammarsarfiit akunnermik ataatsimik sivikillinikuuagut, taamaattumillu nuannersumik ammanera tamaat timersortarfik inoqarluaannaavittarluni, taama Sisimiuni Piolar Fish-ip ukioq allorlugu saqqummersitsisarnerani aaqqissuisarluni, Aalborg Kongres & Kultur Center-imi (AKKC) saqqummersitsinernut pisortaaneq Else Herfort oqarpoq.

 

Neriuut eqquuppoq

Qeqqata Kommuniani borgmesterip Malik Berthelsenip ammaanersiornermi oqalugiarnermini neriuutaa eqquutsinneqarpoq. Borgmesterimmi, siorna AKKC-mi pisortanngortumut, Nicolaj Holm-imut oqarpoq neriulluni kingullermik inussisoqarnerani rekord-iusoq anguneqarumaartoq.
- Saqqummersitsineq illoqarfimmiunit, kommunimit, Kalaallit Nunaannilu innuttaasunit taamak annertutigisumik tapersersorneqarnera takullugu misigisaq nuannerluinnarpoq. Ulluni taakkunani pingasuni saqqummersitsinermi saqqummersitsisorpaaluit alakkaasorpaaluillu oqaloqatigillattaarpakka, kikkullu tamarmik nuannaarlutillu naammagisimaarinnipput. Ulluni taakkunani pingasuni saqqummersitsinermi Aalisarnermut, Piniarnermut Nunalerinermullu Naalakkersuisup Erik Jensen-ip najuunneratigut annertuumik tapersersuisoqarnera ilaatigut aamma erserpoq. Alutornaqaaq, Nicolaj Holm nassuiaavoq.

Saqqummersitsinermut peqataasut tassaapput Sisimiuni eqqaanilu aalisartut, taamatuttaarlu sinerissamiit Ilulissaniit, Maniitsumiit Nuummiillu peqataajartortoqarluni.
Saqqummersitsinerup saniatigut isumasioqatigiisitsinermi amerlasuut peqataaffigaat, imminnullu ilisimasaminnik immersoqatigiillutik paarlaasseqatigiipput, aalisakkanillu atuilluarnissamut qassutinillu atoqqiisinnaanermut tunngasunik immersoqatigiillutik.
Saqqummersitsinersuaq tulliani 2020-mi ingerlanneqassaaq.

 

polarfish 950px 02

Aalisarnermut Naalakkersuisoq Erik Jensen-ip allunaasaq AKKC-p pisortaata Qeqqata Kommunianilu borgmesterip paarisaat savimmik kittorarpaa Polar Fish 2018-ilu ammarlugu. (ass./foto: Johannes Ujo Müller)

 

polarfish 950px 03

Polar Fish 2018 aatsaat taamak amerlatigisunik iserneqarluni 1814-inik alakkarneqarsimavoq. (ass./foto: Johannes Ujo Müller)

 

polarfish 950px 04

Saqqummersitsinermi siunnersuinerit assigiinngitsunik imaqarluarput. (ass./foto: Johannes Ujo Müller)

 

polarfish 950px 05

Qeqqata Kommuniani borgmesteri Malik Berthelsen alapernaappoq. (ass./foto: Johannes Ujo Müller)

 

polarfish 950px 06

KNI A/S-ip tuniniagai amerlanerit ulloq siullermi nungupallanneqarsimapput. (ass./foto: Johannes Ujo Müller)

 

polarfish 950px 07

Tusaataaniit mikrofon alapernaatsoq. (ass./foto: Johannes Ujo Müller)

 

polarfish 950px 08

Meeqqaniit utoqqarnut saqqummersitsineq peqataaffigineqarpoq. (ass./foto: Johannes Ujo Müller)

 

polarfish 950px 09

(ass./foto: Johannes Ujo Müller)

 

polarfish 950px 11

(ass./foto: Johannes Ujo Müller)