Piitannguaq illartitsilaavissorpoq

Piitannguaq Alaufesen mattututut atisalersorsimalluni isiginnaartut aliikkusersorlualaavippai. (ass./foto: Johannes Ujo Müller)

 

Tallimanngormat Sisimiormiorpassuit timersortarfimmut Piitannguaq Alaufesenip aliikkusersuiartorneranut illaqattaariartorlutik peqataajartortut amerlalluinnarput. Imigassartaqanngitsumik tamanut aaqqissuussineq ingerlanneqarpoq nuannarineqarluartumik.

Piitannguaq sassaqqaarnermini qineqqusaartut pillugit quiasaarusiarivai. Namminerooq naalakkersuisut siulittaasuugaluaruni Aalisarnermut naalakkersuisunngortissagaluarpaa umiatsiaminik kivisoornikoq, Isumaginninnermut naalakkersuisunngortissagaluarpaa inuk nakkaativinnikoq, aningaasaqarnermut naalakkersuisunngortissagaluarpaa kontoa minus-eqarnerpaaq, Nunanut allanut naalakkersuisoq nunaminiit aallarnikuunngisaannartoq allarpassuillu quianartut isiginnaarianit nuannarineqarluarput.

Naggasiullugu mattututut atisalersorsimalluni putumaarsuttupilussuulluni puttuppoq.

Akunniliisarput angutit erinarsoqatigiit Malik, eqqugassanillu makitsisoqartarpoq.

Aaqqissuussineq naammassimmat Piitannguaq Alaufesenip SAK utoqqasaat qutsavigai ukiut tamaasa aggersaasarsimanerannut. Qujaniarluni tullissaanik aggersarneqarnialeruni akissarsiaqarniarnani tunissutitut tunniullugu oqaatigaa.

 

Piitannguaq 950px 02

Isiginnaariat illassaaleqinngillat. (ass./foto: Johannes Ujo Müller)

 

Piitannguaq 950px 03

(ass./foto: Johannes Ujo Müller)

 

Piitannguaq 950px 04

(ass./foto: Johannes Ujo Müller)