Sofie Boassen maligassiuisoq nersornaaserneqarpoq

Ukiut tamaasa pisartoq Sisimiuni innuttaasutsialammik innuttaasutsialannillu nersornaasiisarneq ukioq 2017-mi Sofie Boassen nersornaaserneqarpoq.

Nersornaasiineq tallimanngormat Sisimiuni kommunip ataatsimiittarfiani Sofie-p ilaqutai, ikinngutaalu peqatigalugit, erinarsoqatigiit Malik akunniliisorisarlugit, ingerlanneqarpoq. Qeqqata Kommuniani Borgmesteri Malik Berthelsen nersornaaserneqartumut oqaaseqarnermini kommunimi innutaasorpassuarnut annertuumik sunniuteqartumik kusanartumillu suliniuteqarsimanera qujassutigalugu oqaatigaa, erseqqissaatigalugulu Sofie arnaasoq maligassiuisoq, peqatigiiffinni sulinermigut amerlasuunut isumassarsisitsinikuullunilu kajumissaasuunikuusoq.

Sofie Boassen Sisimiormiuuvoq Sisimiunilu inunngorluni. 1958-imi Edvard Boassenilu katipput, ukiullu 30-t katissimareerlutik uillarninngorluni. Sofie arfinilinnik qitornaqarpoq, 16-inik erngutaqarpoq arfinilinnillu ernutaqqiuteqarluni. Uini annaajaarnikuugaluarlugu qitornani ilaquttanilu sutigut tamatigut tapersersortuarsimavai.

Sulineq peqatigiiffilerinerlu

Sofie Boassen ukiuni 45-ni aalajaallunilu tatigineqarluni Kigutileriffimmi sulisimavoq. Suleqatigisaminiit sullitaminiillu akornanni nuannersumik maluginiarneqarsimavoq, nuannarineqarluartuummammi.

Sofie suliffiup avataani peqatigiiffilerinermik ingerlatsilluarnera inunnit ilisimaneqarpoq. SSP siulittaasuuffiginikuusimavaa, peqatigiiffiullu aningaasaqarnera pitsaasumik ingerlanneqarnera peqataaffigisimallugu.

Arnat Peqatigiit peqataaffiginikuusimavai siulittaasuuffiginikuusimallugulu. Arnat Peqatigiit namminneq illuuteqalernissaat anguniarlugu sorsuuteqarsimavoq, anguneqarnissaanullu peqataasimalluni.

Soraarninngorami Utoqqaat Nipaannut peqataasarsimavoq, Utoqqaat Peqatigiiffiannullu siulittaasuuffigisimasaminik ilaasortaasimalluni.

2016-imi Sisimiuni arnatsialattut Arnatuk 2016 toqqagaaqataavoq. 

Qeqqata Kommuniata Sofiep tupinnaannartumik maligassiuisimanera ersarissarusuppaa, allanut isumassarsiorfiusinnaanera eqqarsaatigalugu.

Ukiut tamaasa Qeqqata Kommunia innuttaasunut tamamut tusarniaaqqaartarpoq kina imaluunniit kikkut nersornaaserneqarnis  saannut piukkunneqarnersut paasiniaaffigalugit. Kingorna kommunalbestyrelsimi ataatsimiissutigineqartarput, piukkunneqarnerpaajusorlu toqqarneqartarluni. Nersornaat inunnut immikkut nersortariaqartunut sulilluarsimasunut, kommunip iluani soqutiginninnermik eqiasuissutsimillu suliniuteqarnerminni takutitsilluarsimasunut tunniunneqartarpoq. 

 

Sofie Boassen Sisimiuni innuttaasutsialattut toqqarneqarluni nersornaaserneqarpoq. / Sofie Boassen fik tildelt hædersprisen. (ass./foto: Qeqqata Kommunia)

Sofie Boassen Sisimiuni innuttaasutsialattut toqqarneqarluni nersornaaserneqarpoq. (ass./foto: Qeqqata Kommunia)

 

Sofie qitornanilu. / Sofie og hendes børn. (ass./foto: Ane-Sofie Skifte/Facebook) Asseq / Billede 03: Sofiep kinguaavi ilaqutaalu. / Sofies efterkommere og familie. (ass./foto: Ane-Sofie Skifte/Facebook)

Sofie qitornanilu (ass./foto: Ane-Sofie Skifte/Facebook) 

 

Sofiep kinguaavi ilaqutaalu. / Sofies efterkommere og familie. (ass./foto: Ane-Sofie Skifte/Facebook)

Sofiep kinguaavi ilaqutaalu. (ass./foto: Ane-Sofie Skifte/Facebook)Borgmesterip Malik Berthelsenip nersornaaserneqartoq innuttaasunut annertuumik sunniuteqartumik kusanartumillu suliniuteqarsimanera qujassuteqarfigaa. / Borgmester Malik Berthelsen udtrykte sin taknemmelighed over den flotte indsats, som har haft stor betydning for mange indbyggere.  (ass./foto: Ane-Sofie Skifte/Facebook)

Borgmesterip Malik Berthelsenip nersornaaserneqartoq innuttaasunut annertuumik sunniuteqartumik kusanartumillu suliniuteqarsimanera qujassuteqarfigaa. (ass./foto: Ane-Sofie Skifte/Facebook)