Sisimiuni maaji peqqissuutiguk aallartilluarpoq

Sisimiuni maaji peqqissuutiguk aallartilluarpoq (ass./foto: Johannes Ujo Müller)

Maajip qaammataa aallartiinnartoq Sisimiormiut soqutiginnilluarlutik peqataaffigalugu aallartilluarpaat.
Ukiut tamaasa Kalaallit Nunaat tamakkerlugu ingerlanneqartartoq Maaji peqqissuutiguk sineriak tamakkerlugu annerusumik minnerusumillu assigiinngitsunik aaqqissuunneqarluni ingerlanneqarpoq.
Sapaammi maajip aallaqqaataani sila nillataarluni qulisimagaluartoq tamanna Sisimiormiunit aporfigineqarani Anunip arpatsitsinerani peqataasoqarluarpoq. Meeqqaniit utoqqasaanut peqataaffigineqarpoq, ilaqutariit ilaat ingiaqatigiillutik arpapput, ilaat barnevognerlutik ilaallu nammineerlutik arpallutik.
Maaji qaammat tamaat ullut tamaaasa assigiinngitsorpassuarnik sammisassaqartassaaq. Sapaatip akunnerata ingerlanerani aaqqissuussat amerlanerit aaliangersimasumik piffissalerlutik ingerlanneqartassapput.

Sisimiut Boxing Club

Maajip qaammataani peqataasut ilagivaat Sisimiuni tilluuttartut Sisimiut Boxing Club. Kikkulluunniit peqaanissaminnut tikilluaqqusaapput, aamma sungiusartut alakkaannaraluarlugit annikitsumik misileerusuttut misiliisinnaapput. Ataasinngormat peqataasut qulit sinnilaarlugit sungiusarnermi peqataapput. Akunneq ilivitsungajak kissasserluaqqaarput, kingornalu tilluutit misiligarneqarlutik. Sungiusaasoq Otto Kielsen Akku sungiusakkaminut nassuiaavoq pingaartuusoq aatsaat misileeqqaarnermi tilluutit atornissaanut buy trusted tablets pharmacy teknikki ilinniaqqaarnissaa; ilikkaraanni aatsaat tilluunneq iluamik aallartinneqarsinnaassammat.
Tilluunneq soqutigigukku imaluunniit paasisaqarfigerusukkukku ataasinngorneq pingasunngornerlu nal. 20.00-miit 22.00-mut kiisalu sisamanngornermi nal. 16.30-miit 18.00-mut alakkarterneqarsinnaavoq. Tilluutinut tunngasut tamaasa soorlu aaqqatit assigiinngitsut, pooq sioqqanik imalik, kigutaasat allallu peqatigiiffiup pigivai atorneqarsinnaallutillu.

Maajip aallaqqaataani Anunip arpatsitsinera inuppaalunnit peqataaffigineqarpoq (ass./foto: Johannes Ujo Müller)Maajip aallaqqaataani Anunip arpatsitsinera inuppaalunnit peqataaffigineqarpoq (ass./foto: Johannes Ujo Müller)

Pingaaruteqarpoq aatsaat misileeqqaarnermi tilluutit atornissaanut teknikki ilinniaqqaarnissaa, oqarpoq sungiusaasoq Otto Kielsen Akku (ass./foto: Johannes Ujo Müller)Pingaaruteqarpoq aatsaat misileeqqaarnermi tilluutit atornissaanut teknikki ilinniaqqaarnissaa, oqarpoq sungiusaasoq Otto Kielsen Akku (ass./foto: Johannes Ujo Müller)

Sisimiut Boxing Club tilluuttartut aaqqissugaannik maajimi alakkarneqarsinnaavoq peqataaffigineqarsinnaallunilu (ass./foto: Johannes Ujo Müller)Sisimiut Boxing Club tilluuttartut aaqqissugaannik maajimi alakkarneqarsinnaavoq peqataaffigineqarsinnaallunilu (ass./foto: Johannes Ujo Müller)

Maajip aallaqqaataani Anunip arpatsitsinera inuppaalunnit peqataaffigineqarpoq (ass./foto: Johannes Ujo Müller)Maajip aallaqqaataani Anunip arpatsitsinera inuppaalunnit peqataaffigineqarpoq (ass./foto: Johannes Ujo Müller)