Steen G. Jensenip akissutaa

Kaaliikassaap aamma Eqqaavimmut aqq. asfalterneqanngitsoq naleqqiussineqanngitsut, Sisimiuni aqqusineqarnikkut ajornartorsiut annerpaaq

All. Steen Gordon Jensen

Immaqaana pisortat aaliangiisartullu pingaarnersiuinermut ukkassinermullu pikkorissartariaqalersimasut.
Sisimiuni aqqusineqarnikkut ajornartorsiut annerpaaq attorneqanngisaannarpoq ukiut tamarluinnaqqissaasa. Taamaattorli tonserpassuarnik aqquserngit immaqa iluarsisassat ajornartorsiuteqarpallaanngitsut asfalterneqartarlutik, sanilliussagaanni Kaaliikassaap aamma Eqqaavimmut aqqutaannut.
Kaaliikassaap Eqqaavimmullu aqquserngit aqqusiniaraanngillat. Illoqarfimmili angallaffiunerpaajupput. Najugaqarfittut annerpaajusut Tuapannguit aamma Kussangasoq, akornanniillutik ataqatigiisitsipput. Kaaliikassaap aqq. aamma Eqqaavimmut aqqut angallaviulluarput soorlu Brugsenimiit Kussangasumut taamaapajaartoq. Kuussuullu tungaanut aqqummut sanilliullugu ajornerulluni.
Taxartartuusugut tamanna ajornartorsiutigisupilussuuarput. Aqquserngit aqqutigissallugit pilersitaapput, uagullu pisussaaffigaarput qaninnersiuisarnissarput. Taxartut tamarmik tamanna aqqutigigaangamikku iluaagisarpaat, naak 20 km/t arriitsigigaluarluni nipiliorpalummik tammikassarnermillu misigisarmassuk. Taxallu vagtiunermini aqqusineq taanna arlaleriarluni aqqutigisariaqartarpaa.
Angallannikkut Sisimiuni ajornartorsiutaanerpaajusup aaqqiissuteqarnissaq pisariunerpaajunngilaq. Paasiuminaapporli ukiorpassuani tamanna pingaarnersiorneqarsimannginnera.

 


Blogsimut allagit

Isummersuummik oqallissaarummilluunniit allagaqarusukkuit uunga allassaatit: 

info@silleq.gl