Akissut: Steen G. Jensenimut

All. Hans Ulrik Skifte, Teknikkimut Avatangiisinullu Immikkoortortami pisortaq

Asasara Steen Jensen
Kaaliikassaap aqqutaata aamma Eqqaavimmut akornanni aqquserngit asfalterneqannginnerat pillugu atuaasartutut allatannut qujanaq.
Kommunalbestyrelsip siornatigut missingersuutissat suliarimmagit, aqquserngit pineqartut taakkorpiaat siunnersuutigineqarput. Aqqusinerngup asfalterneqarnissaata saniatigut, aqqusineq pisuinnarnut aqqutilerlugu annertusineqartariaqarpoq.
2019-imut missingersuutissat kommunalbestyrelsip ukiamut naammassissavai, suliniutissarlu ilanngunneqarsinnaassanersoq taamanikkornissaani takujumaarparput.
Ullumikkut biilinik biilersuarnillu ingerlatsisut pissutsit patsisaallutik, angallannermili inatsit aamma naapertorlugu arriitsumik ingerlasariaqartarput. Aqqusineq pisuinnarnut aqqutilernagu taamaatsillugu asfalterneqaraluarpat, aqqusinermi asfaltigaasumi biilit biilersuillu sukkanerusumik angallatilertussaammata, angallanneq pisuinnarnut ulorianarninngussaaq.
Ukioq manna nutaamik asfaltiliorfittaarnissamut 14 mio. koruunit aningaasaliissutigineqarput, aasaaneranilu asfaltiliornissamut sapaatip akunnerini makkunani piariingajalerluni. 1970-ikkornisaalluni asfaltiliorfikup nutaanngilineratigut, asfalterineq akisullunilu annikissimavoq. Asfalterinissamut ukioq manna annikinnerusut missingersuusiarineqarput. Sulisut illoqarfimmik takujuminarsaanissamik ulapputeqarnermi saniatigut, asfaltiliorfittaap sungiunniarnissaanut taamaalillutik piffissaqartinneqassapput.
Aqquserngit asfalterneqartussatut siornatigut salliunneqarsimasut, ukioq manna aappaagulu salliunneqassapput. Matumani pineqarput:

Aqqusinersuaq
Dorthe Lennertip Aqq.
Jooruqaap Aqq.
Muunup Aqq.
Paaraarsummi pisuinnaat aqqutaat
Berthelsenip aqq.
Kaalikasaap Aqq.
Kaapornip Aqq.
Mittarfiup tungaanut aqqusineq, etape 2 (tallimaasunit)



Blogsimut allagit

Isummersuummik oqallissaarummilluunniit allagaqarusukkuit uunga allassaatit: 

info@silleq.gl