ISP-p tusarniaaneranut akissut

Pineqartoq: Inuit innarluutillit tapersiivigineqartarnerat pillugu Imatsisartut imatsisissaattut siunnersuutip tusarniutigineqarnera

All. Akaaraq Samuel Olsen, siulittaasoq

 

FN-imi isumaqatigissutip inatsisissami qitiutinneqarnera isumaqatigaarput, tamannami pitsanngoriaatinik kinguneqartussaammat – aammattaaq Kalaallit nunatsinni innaarluutillit ilaannut inuuffigiuminaassinnaasartumi.

Uani tusarniaanermut akissummi ISI – mit pissutsit pingaartitavut nakkunnerullugit akissuteqarfigaavut.

Erseqqissassavarput tappiitsuuneq isigiarsuttuunerlu nunatsinni takornartaanngikkaluartut peqatigiiffeqarneq nutaajummat – aatsaammi 2013-imi aallartikkami. Taamaakkaluartoq pissutsit pitsaanerusunngortinneqarsinnaasut aaqqittaiaqartullu naammattoortareerpavut pisinnaasarpullu naapertorlugu sunniuteqarfiginiartarlugit, qassiitigut Dansk Blindesamfund Danmarkimiittoq iluaqutigalugu ikiortigalugulu, ukiunilu kingullerni Inunnik Isummaginninnermi pisortaqarfik suleqatigaluguttaaq.

Innarluutillit illersuisoqalernissaat isumaqatigaarput suleqatigilluarnissaalu qilanaaralugu.

Pissassarfiup atulernissaa qilanaaraarputtaaq neriuutigalugulu tappiitsunut isigiarsuttunuttaaq iluaqutaalluarumaartoq atorluarneqarlunilu. Taakkununnga qilanaaginnarallarsinnaavugut atuutileriarpatalu neriuppugut kissarlutalu oqaloqataalluartarumaarluta ilorrap tungaanut sammisunik kinguneqartitsinissaq anguniarlugu.

Isumaqatigiissuteqaefiginiagassat:

Suliffeqarfiit pisortaqarfiillu siunissami ingiaqateqartarneq pillugu isumaqatigiissuteqarfiginiagassat
matuma kingormami taagorneqarput:
tassani ingiallorteqartarneq pingaartutut eqqarsaatigalugu:
Air Greenland
Arctic Umiaq Line
Disko Line
Pilersuisoq A/S
Angallassisartut allat, soorlu Nuuk Bus bussinillu ingerlatsisut allat
aamma taxznik piginnittut.
Danmarkimi angallassisartut angallassisarfiillu.
Kulturikkut ingerlatsiviit soorlu isiginnaartitsisarfiit, tusarnaartitsisarfiit, saqqummersitsisarfiit katersugaasiviillu il.il.
Niuerfiit

Inatsisip atuutsinneqalernerani sulisut pikkorissut paasiimasaqartullu sulisorinissaasa pingaaruteqarnerat erseqqissartuartariaqarpoq taamaattumik pikkorissaanerit pingaartinneqartariaqarput.

Ingiallortaanermi aallagartap (ledsagerkort) nunatsinni atortunngortittariaqarnissaa anguniarniarparput, tassanilu ISI Dansk Blindesamfundilu naligiissinneqartariaqarput. Pisariaqanngilarmi nunatsinni innuttaasoq ilaasortaanermut akiliutinik marlunnik akiliuteqartassalluni, tassa ISI-mut Dansk Blindesamfundimullu. ISI allagartamik tunisisinnaalersittariaqarpoq, tamanna nunami namminersortumi pissusissamisuussaaq.

Isit pillugit siunnersuisarfimmik pilersitsinissaq – synscentral – anguniarneqartariaqarpoq.

Atuakkanik atorniartarfiit tusarnaagassanik atorniagaateqarnerulernissaat anguniarneqartariaqarpoq.

Tusagassiorfiit inuiaqatigiinnut paasissutissanik nipitalikkanik aallakaatitsisarnissaat tappiitsunut isigiarsuttunullu pingaaqaaq, taamaaaportaaq ussassaarusiortartut atuaruminartuliortarnissaat taamatulli pingaartigaaq.

Pisiniarfiit, allakkeriviit aningaaseriviillu allisitsiutinik nivingatitaqartarnisaat pisinianut kiffartuutanullu isigiarsuttunut iluaqutaasaqaaq pigineqartariaqarlutillu.

Tappiitsut isigiarsuttullu peqatigiiffiat -ISI- tusarniaafigineqqarnerminut qujavoq apeqqutigineqarsinnaasunullu akissuteqarnissamut piareersimalluni.


Blogsimut allagit

Isummersuummik oqallissaarummilluunniit allagaqarusukkuit uunga allassaatit: 

info@silleq.gl