Atuakkat qanganitsat nunatta oqaluttuarisaaneranik imallit soqutigisarisama ilagaat.
Ataguli ilaanik tigulaarilaariarlanga, kingullianut inuusullu pisoqaalaartut tamarmik atuartarsimanissaat qularnarmat. Uku
siulliutilaarlakka, soorunami naalisaqalugit. 1872 Qeqertarsuarmi eqqartuussineq ilaatigut oqaatigineqartoq paarsisutoqqat
Qeqertarsuarmi allaninngooq issuaaginaratik periartarsimaneri, soorlu eqqartuussinerni. Soorlu Væver-ip eqartuunneqarpoq qitittunut
iseqqusaajunnaarluni allalu pisiniarfinnut iseqqusaajunnaarluni. Kiisalu toqunartortitsilluni inuarneq Kalaallit Nunaanigooq qaqutigoortut ilagaat. 24. Sebtember 1890-imi paarsisut ilaata angalalluni Kangerlummut Qeqertarsuup nunaqarfianut killisiuissutigisimagaa.
Asimioqarfimmi siorarmiuni juunip 12-ini toqunartoq Carbololie atorlugu niviarsiaq Inger Nielsen toqunneqarsimasoq. Ukiorooq ataaseq missiliorlugu perlerortutuut pissusilersortarsimammat, juunillugooq 10-ata missaani kamaqaluni aqutassaajunnaarmat toqutaasup ataataa Kasper toqunartortitsisimasutut oqaatigigaluarlugu. Nassuerpunngooq tamarmik pisooqataallutik. Arnarooq avatangiisiminut ulorianaqimmat toquinnarsimallugu. Ataatarli nakorsaatinik paarsisuusoq ajoqeerarlu Ole Danielsen ikiuussimammat atorfianiik asoortitaasimapput, taavalu Rasmus Novembarip 7-iani 1872 taannalu 21-inik ukioqarsimavoq. Ajoqiunikunut pulaarluni Rasmusip pania Karen tamarmik
tusaasut mattannik imminerminut aalleqqusimavaa. Anigamillu niviarsiaraq pinerluffigisimavaa. Eqqartuussineq peqqissaarussimaqaat allaat eqqartuussisut eqqartuussivik qimallugu aqagumut aalajangiinissartik isummiuttarsimallugu. Ilaasa siunnersuutigisarlugu 25-eriarlugu iperartorneqassasoq, ilaasa sakkortuumik unatagaanissaa piumasarisarlugu. Isumaqatigiissinaajunnaaramik aalajangerpaat qania matullugu talii
qilersorlugit imerissup qeqertaasa ilaanut niuneqassassoq, orsumik ammasaat 70 pund, aalisaallu qaammatini pingasuni qeqertamiissasoq. Kitsissuarsummiullu ilisimatinneqassasut qeqertaq taanna tikinneqassangitsoq qaammatini pineqartuni arlaleriarluni
pinerluttarsimammat. Ila siulitta atornerluineq meeqqanik ajortuliaq annertuumik isigisimavaat, inatsit taanna atuuttuuginnarsimappat
qeqertat qanoq inugasaartigissagaluaqaat ullumikkut, meerannguanik atornerluisartut taama amerlarpalutsigisut. Nunatta oqaluttuarisaanera
atuakkallu qanganitsat nuannarisuugakkit ilanngutassanik saqqummiilaartarnissara ammassajunnarsivara tupinnartoqartaqimmammi.