David Jensen toqukkut qimaguppoq 24.marts 2016.
David inunngorpoq 9.maj 1938 Qeqertarsuarni angajoqqaaralugit Marie Jensen aamma Ado Lynge.
David angallatinut naalagassatut ilinniareernermi kingorna politiit angallataanni naalagaasarpoq.
Kingullermillu Sisimiuni politiit angatallaannut ilisimaneqarluartumut “Ilik” –mut 1979-p tungaanut naalagaavoq.
Tassanilu naalagaanermi nalaani imaatigut ajornartorsiortorpassuit sila qanorluunniit ikkaluarpat
ikioriartorneqarneranni aqutsisuusarluni.
David Jensen aamma Karen Jensen katipput 8.november 1959-imi.
Karen Jensen ukioq 2013 toqukkut qimaguppoq.
David Jensen Sisimiut Kommunianni kommunalbestyrelsimut siullermik 1979-imi qinigaavoq borgmesteriulerlunilu.
Taamaalilluni David Jensen borgmesteriuvoq 1979- 89 aamma 1991-1993.
Qularutissaanngitsumik namminersornerulernitta nalaani kommuuninut unamminartut tunngasut arlalissuit David-p sulilluarnermigut tamaviaarutigalugit suleqaaffigimmagit.
1980-ikkut aallartinneranni Sisimiut Kommuniata pitsasumik ineriartornissaanut David annertuumik suliniuteqarpoq sunniuteqarlunilu. Taamanikkut uagut politikkikkut sulinermi nutaajusugut suleriaatsinik ullumikkut atorluakkatsinnik David Jensen –imit pitsaasumik sunnerneqarpugut. Tassungalu tunngatillugu annertuumik David qujaffigerusupparput.
David Jensen 2004-imi kunngikkormiunit saqqarmiulerneqarpoq Den kongelige belønningsmedalje med krone -imik.
David Jensen inoqatiminut asannittuugami ataqqinnillunilu Sisimiuni ikinnguterpassuaqarpoq.
Qularutissaanngilarlu annertuumik maqaasineqassasoq.
David Jensen-p qitornaanut qatanngutaanut ilaqutaanullu tamanut kommunalbestyrelsi sinnerlugu misiginneqataanerput ingerlatippara.
David Jensen-p eqqaaneqarnera ataqqinartuuli.
Hermann Berthelsen
Borgmesteri