Soorlu siusinnerusukkut allagaqartarninni tamanna attupillattarsimavara. Takusinnaagakkumi assut pisariaqartinneqartoq 90-ikkut ingerlaneranni Social-imi formand-iunerma nalaani atuutileraluagarput. Uggorisaqaara unitsinneqarmat – tassa eqqungitsumik sullinneqarsorisoq tusaamut saaffiginnittaleraluarmat, sap. akunneratalu tulliani atorfilittamik pisoq nassuiarneqartarluni.
Taamanikkut ilorraap tungaanut aallartoqaraluarpoq, aammalu sap.akunneranut formand-itut marloriarlunga naapinneqartarlunga. Innuttaasunik iluarisimaarneqaqisumik ajoraluaqisumik maannakkut atuutinngilaq, naak Formand-i ukiumut ikitsuungitsunik Formand-ersiuteqaraluartoq. Eqqortumimmigooq sullissinera Kommuunimut akisugineqartarpoq uffa massa inatsisit ileqqoreqqusaasut malillugit sullissigaluartunga. Akunnermiliuttumik pilersitsisoqartuuppat atuisunut iluaqutaassaqaa. Soorlu Qaasuitsup Komuuniani ammaanneqarpoq kinaluunniit atornerlunneqartumik inummik paasisaqaruni saaffiginnissinnaatitaanera sakkortusineqartoq.
Nunaqqatitsinnik saaffigineqartarnikkut tamatuma qanoq pisariaqartinneqassusia takunikuuvara. Uangami paasisimasakka killeqaraluartut kuttiorfigineqaraangama pisinnaasannguakka atorlugit ikiuigaangama iluatsittunik nuannaarnera immaqa ikiulaarsimasannik annerusarpoq.
Inatsisit ujakkalaarsimagaanni pisussaaffiligaavugut inoqapput ikiortariaqartoq. Suusupagineqartillugu tamatta pisussaafigaarput pisussaasunut anngutisallutigu. Aammali inoqateqarpugut ima, paasisaat killeqartigisunik inuk saaffiginnissukkaanni allaat oqartartunik inersimasoruna nammineq pissooq ingerlatissavaa. Tassa taama oqartartut ima paasisarpakka inersimasuugami qanorluuniit atugarliortigigaluaruni namminiissooq, uffa aamma ittoorneq kisinneq isummanik aniatitsisinnaaneq killilimmik pigineqartartoq.
Inunnguit taama isumaliortartut inuttut pisussaaffipput taava nalusimavaat. Uanga siunnersuisarnikkut ikiortarialinnik iluatsittoqartarpoq, tamannalu uannut nuanertaqaaq. Uangami ikiortariaqaleruma nalornisannik piginnaaneqartoqarpat kisinngivillunga saaffigissavara inatsisip tamanna ammatimmagu.
Una taputilaarlara 90-ikkut ingerlaneranni atuutiligaraluara pitsaasutut nalilertarpara. Inuit ajornartorsiortut angerlarsimaffiinut ornillugit sullissisunik ilaqarlunga taamani paasinikuuvara angajoqqaat illuminiillutik assut ammanerullutik kisiinnerullutillu oqaaseqartarnerat, Kommuunilli allaffiani ammanerunerat annikinnerusarluni. Taamaattumik ilorraap tungaanut taamani sulisuusut pikkoriffigisaat unitsitaanera uggorisarpara. Inuit ilanngui isorinninnermut assut pikkorittarput imminullu ilisimatuutupajaaq issingisut naammattoortarsimavakka, pikkorittaqaat.
Inuinngooq Politikkerinngorusukkaluit anngutinngisaanartulli tassaappunngooq ajortisaarinermut ulorianarnerpaat..una allagaq ilisarineqassaaq pisinnaatillungami inoqatinnut ikiuutilaarsinnaanera allanngortikkuminaassaqaaq.
-
David Jensen-imut eqqaaniut< Forrige