Maki Seaweed Greenland

Qujasaqaanga immap naasuinik atuilernermikkut ulluinnarni ippingiatuutiminnik annikillisitsisimasartut tutsiukkaangata <3

Tupigiuartarparali inuppassuit iluaqutigalugit unnersiortaraluartut, "Pisortaqarfiit" - soorlu Kommune-t, Namm. Oqartussat sulliviini, sooq sullitaminnut immap naasuinik sassaalliutissanik atuilersimannginnersut, - uani eqqarsaatigineqarnerupput meeqqeriviit, atuarfiit, ulloq unnuarlu angerlarsimaffiit, utoqqaat angerlarsimaffiilu.

Ilisimaneqareersutuut immap naasui sorpassuartigut inuup timaanut iluaqutaasarput, - taamaammat eqqarsarnaraluarpoq sulliviit taaneqartut atuilereersimassagaluartut, - taamaanngilarli.

Immap naasuisa timerput sukujuiartarpaat, - allaallumi nappaatinut assigiinngitsorpassuarnut annikillisaataasorujussuusarlutik, - soorlu nuammut, gigt-ertunut, astma-qartunut,allaallumi puammigut asbestosis-imik nappaateqalersimasup iluaqutigisorujussuusimallugit atugarilersimavai iluaqutigeqisaminik, - naak nakorsamiit oqarfigineqarsimagaluarluni suneqarsinnaanani.

Ullormut immap naasuinik 5 gram missaanik nerisaqartaraanni naammattorujussuusarpoq, - eqqarsarnarporlu suliffeqarfiit eqqartorneqartut pimoorullugu nerisitsisarnerminnut immap naasui akugitittaleraluarunikkit, innuttaasut peqqissusaannut qanoq iluaqutaalerumaartigissagaluarnersut - taamaasillunilu peqqinnissaqarfimmut, Kommune-nut Namm. Oqartussanut, allanullu siunissami qaninnermi malunnanngitsuusaamik sipaarutaallualerlutik, - qassimmita nakorsiartarneri akuttutsissagaluarpat aamma ?

Kinannguunersutit uuminnga atuartoq:
Qulaani eqqartorneqartut sulliviutaanni suliguit, imaluunniit taakkunani sulisumik nalunngisaqaruit inussiarnersumik qinnuigissavakkit suliffeqarfiit taakkua sunnerniaqqullugit immap naasuinik nerisaqarnerulernerup kingunerisaanik peqqinnerulernissaq angujumallugu allakkiaq una innersuuttaqqullugu, - nunatsinnut innuttaanullu iluaquterujussuussaaq <3